أهم نصائح للي باش يعمل فويي

أهم نصائح للي باش يعمل فويي

أهم نصائح للي باش يعمل فويي 

- سطل البسيسة ظروري و إجباري 

- أعمل كارطة و ما تخليش فلوسك الكل كاش في يديك إجبد شوي و خلي الباقي في الكارطة !

- كان عندك pc ... إشري كوبة للخزانة و من المستحسن تهزو معاك للفاك

- ما تعملش بيتك مكان للسهريات ... خاطرهم باش يولو يعرفو آش عندك و آش ما عندكش و يسرقوك ؛

- في الليل باش تولي تجوع في الفويي ! ديما هز معاك شوي سمايل و ڤفرات و تن و فازات و هاذم أهم ببرشا من الفلوس !

- فما لوجيسيال إسمو dumpper صبو في البيسي و بيراتي بيه الوفي إلي تلقاه قوي في بيتك و كونكتي خير ملي كل يوم تعمل فرفي !

- من المستحسن تشري آك الڤاز الصغير بالضوء ب 20 د و طيب وحدك في البيت خير ملي كل ليلة تشد الصف في الكوجينة متاع الفويي ... و خبيه الڤاز خاترو ممنوع و كي يفيقو بيك يفكوهولك ...!

- الأيامات لولا متع الفويي فيهم برشا ڤلڤ حتى تتعرف على صحاب و يبدا الجو ... ؛

- أعرف شكون تخالط ... ! و ما تعطيش الأمان كان للي تعرفو




;